第一講: 收貨
購買磁磚，若想安坐家中收貨，必先懂得分辨：「車邊交收」及「上料」的分別
一般瓷磚店會提供送貨服務，其中以「車邊交收」或者「上樓」/「上料」服務最常見
「車邊交收」 即貨物將會運到最近的落貨區（要注意有不同貨車限高和負重啊！），然後卸貨進行交收。一般所指的運費已經包含「車邊交收」; 但是如果要在車邊之外交貨，例如送入單位內，就要付「上料費」
泛指由落貨區將貨品搬運到指定地點的費用。如果上料途中無需搬樓梯/斜坡/轉電梯，而且屬於短程步距（一般指50米以內），就會收取標準上料費 ; 否則就要按路段狀況及貨量作個別報價了(例如要上樓梯/轉平台等等)
如何慳「上料費」？ 格價，是唯一標準答案。 磁磚屬於易碎貨品，只有熟手的磁磚運輸師傅，配合合適的搬運工具，並在搬運時恰當地保護磁磚，才能妥善完好地將貨品交給用家。 如果用家打算自行搬運，必須要有足夠的「架生」: 除了負重搬運車(例如唧車/玻璃車/手推車)、大隻佬s等必備用品之外，身水身汗在所難免，所以記得預備毛巾及一套更換衣服；情況許可的話，建議預先在磁磚舖拎起一盒磚感受重量，同時衡量一下要預備幾多個大隻佬喇！
本身打算慳上料費，點知仲駛多左？
「上料」服務是基於真實送貨需求，為每個客戶/住宅定制的服務，大多數師傅都會跟客人確認報價後才安排(甚至要客人指定送貨路線和拍片作實)。 如果報價時未有如實反映「上料」的實際需求和路程概況，與運輸師傅的預計情況大有出入，到時別怪師傅愛莫能助啦！ 所以報價時要如實反映路程呀！
更重要是在車邊交收之後，貨品的破損要自行負責，不夠熟手的隨時磚撞磚引致貨品崩裂，到時又要駛一筆喇！計落，分分鐘仲駛多左！
差幾步路姐，師傅順手吖唔該！
其實無論哪一種送貨方式，送磁磚都唔係一件易事，特別是「上料」要先在路況許可情況下拆開木托/木箱外包裝然後再遂盒逐件搬上細車再推再落貨來來回回，確保每件貨品完完整整送到用家手上，費用的每一分每一毫都是真真正正的「辛苦錢」，運輸師傅們，Respect!